كتب: بدر عبد الصبور
استعاد الفنان محمد ثروت ذكرياته مع النجم الراحل سمير غانم، مؤكداً أنه كان إنساناً رائعاً، يحمل البهجة في شخصيته أمام الكاميرا وخلفها. وقال ثروت خلال لقائه مع الإعلامية منة فاروق في برنامج «ستوديو إكسترا» على قناة «إكسترا نيوز»: “سمير غانم كان ورا الكاميرا زي قدامها، دمّه خفيف والناس كلها بتحبه، وكان دايماً ينشر طاقة إيجابية في الكواليس.”
وأوضح ثروت أن غانم ترك أثراً كبيراً في مسيرته، حيث تعلم منه قيمة الارتجال وأهمية الإبداع في كل مشهد: “علّمني أننا لازم نبدع ونحط بصمتنا في أي مشهد، ونبحث فيه عن الأفضل لتقديم الكوميديا الحقيقية للجمهور.”
وعن مسيرته الدراسية، كشف ثروت أنه حصل على بكالوريوس التجارة بعد سبع سنوات بدلاً من أربع، قائلاً: “كنت بسقط عشان أمثل، وده اللي أخّرني. والدي توفى بعد تخرجي بعامين، وكان رافض أدخل معهد الفنون المسرحية أو السينما بعد الثانوية، وكان بيقول لازم تاخد شهادة الأول وبعدين اعمل اللي أنت عايزه. دلوقتي أدركت إنه كان عنده حق، مهم يكون عندك شهادتين، علشان لو التمثيل ما وفقكش يكون عندك حاجة تانية تستند عليها.”
